Gipuzkoako beste kirol-instalazio batzuen antzeko prezioa izateko konpromisoa hartu dugu; 20€ eta 40€ ingurukoa gutxi-gorabehera, abonatu izatearen edo noizbehinkako erabiltzaile izatearen arabera. Edozein pertsona etorri ahal izango da surf egitera, aldez aurretik esperientzia izan edo ez, instalazioa astearen zati handi batean irekita egongo baita gainerako kirol-instalazioen antzeko ordutegian. Gainera, haurrentzako hezkuntza programak eskainiko dira eta osasun eta integrazio gaiak landuko dira.  

Gure gainerako instalazio irekien datuak kontuan hartzen baditugu, bisitari ez-egoiliarren ehunekoa ez da %20tik gorakoa izango.  Mota honetako instalazioak tokiko erabilerara bideratuta daude, hiriko kirol-instalazio gehienak bezala. Donostiako proiektuak tamaina txikia izango du, ingurunean duen eragina minimizatzeko: orduko 15 surflarirentzako lekua egongo da eta horietatik 3, gutxi gorabehera, probintziatik kanpoko bisitariak izango dira (%20). Kontuan hartuta bertakoa ez den bisitariak egunean 2-3 saio egiteko joera duela, kalkuluen arabera, egoiliarra ez den surflari bat baino gehixeago egongo da orduko, 10 egunean.  

Udal-lehiaketaren ondoren gure proiektua esleituko balitz, Aizarnazabalgo egoitza desegingo litzateke eta okupatutako lursaila bere egoera naturalera itzuliko litzateke. Makina guztiak eta gure bulegoak Donostiako lursail berrira eramango genituzke.

Araudiaren arabera, ingurumen-eragina neurtzeko azterketa zorrotz eta independente bat egin behar zaio proiektuari eta dagokion ingurumen organoak onartu egin behar du. Azterketaren emaitza proiektuaren kontrakoa izango balitz, gu geu izango ginateke hura atzera botatzea erabakiko genukeen lehenak, aurrez egin izan dugun bezala.

Dena den, ez da gisa honetako proiektu bat egiten dugun lehen aldia, Bristolgo gure instalazioa esaterako arrakastatsua izan da, gerriko berde batean eraiki zelako.

Udalak berdegune bihurtuko luke orain arte bizitegi-erabilerarako izan den lursaila, eta Antondegiko 97 hektareetatik sei bakarrik erabiliko lirateke olatu artifizialen instalaziorako, hau da, plan orokorraren aldaketak proposatzen duen azalera osoaren %6 baino ez.

Energia-kontsumoari dagokionez, 1,95 m-ko olatu bate 1 kWh baino ez du kontsumitzen. Hori dela eta, instalazioa zelula fotovoltaikoekin (eguzki-energia) elikatu ahal izango da. Surf-saio batean, neurri ertaineko (1,50 m) 350 bat olatu sortzeko behar den potentzia, 8-10 metroko luzera duen karelez kanpoko ontzi batek (300 cv-koa) planeatzean behar duena baino txikiagoa da, edo uretako motor batek (300cv-koa) itsasoko olatu handiko saio batean behar duena baino txikiagoa.

Ez da urik kontsumituko, euri-uraren bilketak lurruntzearen ondoriozko galerak konpentsatuko baititu.

Gure teknologien test center gunea ere izango da eta, horregatik, urtean aste batzuetan jendearentzat itxita egon beharko du. Konpainiaren I+G garatzeko eta gure produktuak hobetzeko balioko du. Finantzaketa-iturria erabat pribatua izango da, inbertsioa Wavegardenek egingo du eta sarrera-prezioa arrazoizkoa izango da, instalazioaren helburua ez baita errentagarritasuna izango, konpainiaren I+G garapena baizik. Gure instalazioan entseguak egin behar dituzten Donostiako surf klusterreko enpresei laguntza eskaintzen jarraituko dugu, beti egin dugun bezala.

Surflarientzako teknifikazio zentroa ere izango da: Wavegarden batek surflari baten teknika hobetzen laguntzea “errealitatea baino suposizioa” dela dioen adierazpenaren aurrean: teknika hobetzen duela baiezta dezakegu. Hainbat surflariren lekukotzak ikus ditzakegu gure Giza-Baliabideetan, Wavegarden batek mota guztietako surflariei eskaintzen diena ulertzeko, zaleetatik hasi eta surflari olinpikoetaraino.  Horrez gain, guk 7 urte daramatzagu olatua geure azalean zein besteenetan probatzen. Ondorioa erabatekoa da: gure olatua probatu duten surflarientzat, instalazioa entrenatzeko tresna ezin hobea da, surfaren alderdi zehatz askotarako. Ez du itsasoa ordezkatzen, noski, baina baliagarria da surfaren maila guztietarako.

Gure hondartzen masifikazioaz. Garrantzitsua da nabarmentzea kirol-instalazio bat izango dela; ez erakarpen turistiko bat. Hala ere, egia da Gipuzkoar guztientzat olaturik ez dagoela, eta hori turistak kontuan hartu gabe, eta egia da, halaber, Wavegarden batek ez dituela hondartzak arinduko. 

Jakina da Wavegardenek diru-laguntzak jasotzen dituela, I+Gn inbertitzen duten Gipuzkoako enpresa gehienek bezala: guztiak behar bezala justifikatuta, eta horietako asko itzuli beharreko finantzaketa izanik.